在假期的最後一個星期，我去了做很小很小的小手術，涉及了兩隻手指公和右邊腳趾公。自那天開始，我就展開長達一星期的了「大小姐」行動。
***
在首兩天，傷口時痛時好，醫生建議我最好不要外出。於是，我整天屈在家中看電視、用電腦和煲劇。
***
哪一日三餐呢？
早餐 - 睡夢中，與周公進餐
午餐 - 由媽媽主理，負責買外賣
晚餐 - 由賓賓主理，一般家常便飯
總而言之，你想食嘅，全部都會放在你眼前。
午餐和晚餐後，媽媽習慣吃個水果。基於我的手指公「廢了」，媽媽便會順便 mit 橙俾我食。平時啲橙好鬼酸，但這幾天吃的真是名副其實的甜橙。
***
手指公「廢了」，原來有很多事都做不到，例如拉拉鍊、用剪刀、洗澡。
於是，每天，媽媽又變了 salon，幫我洗頭。每次洗的時候，她總埋怨我頭髮很長。她又進行角色扮演，用 salon 洗髮姐姐的語氣問：你邊到痕？
***
媽媽每天都替我的傷口換膠布。我就是怕痛、怕見到傷口，日日依嘩鬼叫，呼天搶地。連爸爸都話我嘈 -.-
***
點都好，在家千日好。
